आज विश्व मुटु दिवस मनाइँदै

इच्छाकामना न्युज

१३, आश्विन २०७७

काठमाण्डौं, १३ असोज
नेपालमा मुटु रोगी बढ्दै गएका छन। अस्वस्थकर जीवन शैलीका कारण मुट ुरोगको जोखिम बढेको छ। आजविश्व मुटुरोग दिवस मनाइरहँदा चिकित्सकहरुले हरेक व्यक्तिले मुटुको स्वास्थ्य जाँच गराउन अनुरोध गरेका छन ।

आज‘मन लगाउँ, मुटु बचाउँ’भन्ने नाराका साथ विश्व मुटु दिवस मनाइँदैछ। मुटु सम्बन्धी विभिन्न जनचेतना मूलक कार्यक्रम गरेर विश्व मुटु दिवस मनाइने गरिन्छ। मीठो, मसालेदार, चिल्लो, स्वादिलो खाना निरन्तर रूपमा खाँदै जाँदा विस्तारै दिर्घ रोग लाग्ने भएकाले खानपिन र जीवन शैलीमा ध्यानदिनु पर्ने उनीहरुको सल्लाह छ।

सरकारले मुटुरोगीलाई एक लाख रुपियाँ औषधि उपचार बापत बेहोर्दै आएको छ। १५ वर्ष भन्दा मुनिका बालबालिका तथा ७५ वर्ष भन्दा माथिका ज्येष्ठ नागरिकका लागि स्वास्थ्य उपचार तथा मुटुसम्बन्धी सम्पूर्ण शल्यक्रिया निःशुल्क रूपमा गरिरहेको छ। शहीदगङ्गालाल राष्ट्रिय हृदय केन्द्र, मनमोहन कार्डियोभास्कुलर सेन्टर लगायतका सरकारी स्वास्थ्य संस्थामा १५ वर्षभन्दा कम र ७५ वर्ष उमेरभन्दा माथिका वृद्धको निःशुल्क उपचार हुने गरेको छ । मुटुको भल्ब बिग्रिएको रोगको सरकारले निःशुल्क उपचार गर्ने गरेको छ ।

विश्वमा हरेक बर्ष एक करोड ८० लाख मानिस मुटु रोगका कारण मर्ने गर्दछन । नेपाल जस्ता विकासोन्मुख राष्ट्रमा मुटु रोगबाट मर्नेको सख्या ८० प्रतिशतभन्दा बढी छ । नेपाल हृदयरोग निवारण प्रतिष्ठानका अनुसार हाल नेपालमा करिब ७५ लाख मुटु रोगी भएको अनुमान गरिएको छ ।