- आइतवार, कार्तिक २३ गते २०८३
TRENDING
स्नेहा कर्ण, काठमाडौं । नेपालीले आवश्यकताभन्दा धेरै आयोडिनयुक्त नुन प्रयोग गर्न थालेका छन् । नेपाल स्वास्थ्य अनुसन्धान परिषद्ले गरेको अध्ययन प्रतिवेदनले यस्तो देखाएपछि सरकार अब नुनको सन्तुलित प्रयोगको बारेमा जनचेतना जगाउने अभियानमा जुटेको छ ।
विश्व स्वास्थ्य सङ्गठनका अनुसार १५ देखि ६९ वर्ष उमेर समूहका व्यक्तिलाई दिनमा ५ ग्रामसम्म नुनको सेवन गर्नु उचित मानिन्छ । तर यो उमेर समूहका झन्डै ८० प्रतिशतले ९ दशमलव १ प्रतिशत ग्राम नुन खाने गरेको पाइएको अध्ययन समूहका एकजना अनुसन्धाता डा. मेघनाथ धिमालले बताउनुभयो ।
नेपालीको भान्सामा आवश्यकताभन्दा धेरै नुनको प्रयोग भइरहेको भन्ने तथ्याङ्क सार्वजनिक भएपछि यसको न्यूनीकरण गर्न सरकारले अभियान थालेको परिवार कल्याण महाशाखा अन्तर्गतको पोषण शाखाका प्रमुख लिला विक्रम थापाले जानकारी दिनुभयो ।
विश्व स्वास्थ्य सङ्गठनका अनुसार भर्खर जन्मेका शिशुदेखि ६ वर्षका बालबालिकालाई दैनिक ९० माइक्रोग्राम, ६ देखि १२ वर्षसम्मका बालबालिकालाई १ सय २० माइक्रोग्राम आयोडिन चाहिन्छ ।
गर्भवती तथा दूध खुवाउने आमालाई दैनिक २ सय ५० माइक्रोग्राम तथा किशोरकिशोरी र वयस्कलाई १ सय ५० माइक्रोग्राम आयोडिन दैनिक आवश्यक पर्छ । ढिके नुनको प्रयोगले आयोडिनको मात्रा नपुग्ने भन्दै सरकारले ४९ वर्षअघि आयोडिनयुक्त नुनमा आकर्षित गर्न विशेष अभियान नै चलाएको थियो ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
