- शनिवार, कार्तिक २२ गते २०८३
TRENDING
सुसिला श्रेष्ठ, काठमाडौँ, १८ असार । सुरक्षित सहर बनाउन काठमाडौँ महानगरले ल्याएको पूर्वाधार एम्बुलेन्सको योजना प्रभावकारी देखिन थालेको छ । काठमाडौँ महानगरपालिकाकाले महानगरभित्रका सडकका खाल्डाखुल्डी, ठाउँठाउँमा फुटेका ढल लगायत पूर्वाधारहरूको आकस्मिक मर्मतसम्भार गर्न पूर्वाधार एम्बुलेन्स सञ्चालनमा ल्याएको छ ।
पूर्वाधार एम्बुलेन्स महानगरवासीको गुनासोअनुसार सम्बन्धित ठाउँमा पुग्ने गरेको छ ।बितेका २७ दिनमा ६२ स्थानका सडक तथा ढल मर्मत सम्भारको काम पुर्वाधार एम्बुलेन्स मार्फत भईरहेको छ । करिव नौ महिनादेखि बिग्रिएको बिजुली बजार नजिकैको सडक पनि बनेको स्थानीयवासी रामकुमार रम्तेलले बताउनुभयो । एक पटक फोन गरेको भरमा पूर्वाधार एम्बुलेन्स आएर बाटो बनाईदिने गरेपछि महानगरवासी खुशी भएका छन् ।
महानगरकाअनुसार मर्मत टोलीमा २ वटा पूर्वाधार एम्बुलेन्ससहित २ जना इञ्जिनियर र ४ जना मर्मत कर्मचारी छन् । महानगरले सुरु गरेको कलसेन्टरमा दैनिक सय वटा जति गुनासा आउने भएपनि पूर्वाधार एम्बुलेन्स करिव १५ ठाउँमा पुगिरहेको आयोजनाका ईन्जिनियर हरिबहादर बुढाले जानकारी दिनुभयो । काठमाडौँ महानगरको पूर्वाधार एम्बुलेन्स कार्यक्रम प्रभावकारी देखिए पनि जनशक्ति पर्याप्त नहुँदा सेवा प्रवाहमा समस्या छ ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
