उपत्यकामा हैजाको सङ्क्रमणबाट बच्न स्वास्थ्य सावधानी अपनाउन स्वास्थ्य मन्त्रालयको अनुरोध

इच्छाकामना न्युज

१४, आषाढ २०७९

उपत्यकामा हैजाको सङ्क्रमणबाट बच्न स्वास्थ्य सावधानी अपनाउन स्वास्थ्य मन्त्रालयको अनुरोध

काठमाण्डौ, १४ असार । हैजाको सङ्क्रमणबाट बच्न स्वास्थ्य तथा जनसङ्ख्या मन्त्रालयले आग्रह गरेको छ । हालसम्म काठमाडाँै उपत्यकाको विभिन्न स्थानमा हैजाको सङ्क्रमण देखिएकाले स्वास्थ्य सावधानी अपनाउन मन्त्रालयले आग्रह गरेको हो ।

प्रदूषित पानी र स्ट्रिड फुडका कराण हैजा फैलिएको आशङ्का गरिएको छ । सार्वजनिक स्थानमा थुप्रिएको फोहोर र त्यका कारण पानीका स्रोत प्रदुषित हुँदा हैजा फैलिने जोखिम भएकाले पानी र खानपानमा ध्यान दिन मन्त्रालयका सह–प्रवक्ता डा. समिर कुमार अधिकारीले अनुरोध गर्नुभयो ।

यसैबीच,प्रतिनिधिसभाको शिक्षा तथा स्वास्थ्य समितिले हैजाबारे गम्भीर बन्न सरकारलाई आग्रह गरेको छ ।स्वास्थ्य मन्त्रालय, स्वास्थ्य सेवा विभाग, इपिडिमियोलोजी तथा रोग नियन्त्रण महाशाखाका प्रतिनिधिहरूसँग छलफल गरेपछि समितिले सरकारलाई गम्भीर बन्न आग्रह गरेको हो ।

समिति सभापति जयपुरी घर्तीले वर्षाको समयमा हैजा, झाडापखाला बढ्न सक्ने खतरा रहेकाले यसलाई गम्भिरतापुर्वक लिन अनुरोध गर्ने निर्णय भएको बताउनुभयो । समितिमा औषधिको मूल्यवृद्धिका विषयमा पनि छलफल भएको थियो । समितिले गुणस्तरहीन औषधि खरिद नगर्न, उचित मूल्य समायोजन गर्न र म्याद गुज्रेका औषधि खरिद नगर्न सरकारलाई ध्यानाकर्षण गराउने निर्णय पनि गरेको छ ।