विवाह गर्ने उमेर हद घटाउने सरकारको तयारी प्रति सरोकारवालाको विरोध

सिआईएन

४, आषाढ २०७९

विवाह गर्ने उमेर हद घटाउने सरकारको तयारी प्रति सरोकारवालाको विरोध

अविनाश आचार्य, काठमाडौं, ४ असार । २० वर्षे उमेरहद व्यावहारिक नभएको भन्दै सरकारले उमेरहद घटाउन कानुन संशोधनको तयारी गरिरहेको छ । १६ वर्षमा नागरिकता र १८ वर्षमा मताधिकार पाइने भएपछि विवाह गर्न २० वर्ष कुर्नुपर्ने प्रावधान वैज्ञानिक नभएको सरकारको ठहर छ ।

संसद बैठकमा बोल्दै कानुनमन्त्री गोबिन्द बहादुर बन्दीले विवाहका लागि २० वर्षे उमेरहदका कारण अपराध बढेको तर्क गर्नुभयो । तर, सीआईएनसँग कुरा गर्दै समाजशास्त्री विजया विजुक्छेले यस्तो तर्कले समाजलाई सही दिशामा लैजान नसकिने बताउनुभयो ।

विवाहका लागि शारीरिक र मानसिक रुपमा पनि परिपक्क हुनुपर्ने भन्दै उहाँले २० वर्षअघि मानिस कुनैपनि हिसाबले परिपक्क हुन नसक्ने बताउनुभयो । प्रसुती तथा स्त्री रोग विशेषज्ञ डा.सुमन ताम्रकारले प्रजनन स्वास्थ्यका हिसाबले पनि २० वर्षमुनिका महिला विवाहका लागि तयार नहुने बताउनुभयो ।

छिमेकी भारतले केही महिनाअघि मात्रै विवाह गर्नका लागि उपयुक्त मानिने महिलाको उमेर १८ वर्षबाट बढाएर २१ वर्ष पु¥याएको छ । पुरुषको उमेर पहिल्यैदेखि २१ वर्ष तोकिएको थियो । चीनमा विवाहका लागि महिला २० र पूरुष २२ वर्ष अनिवार्य पुगेको हुनुपर्छ । नेपालमा उमेर घटाउन लागिएकोमा विरोध भैरहेको छ ।