- शनिवार, कार्तिक २२ गते २०८३
TRENDING
चितवन, १२ जेठ । आज देशका विभिन्न ठाउँमा मेघगर्जन र चट्याङ्गसहित हल्कादेखि मध्यम वर्षाको सम्भावना रहेको मौसमविद्ले बताएका छन् ।
स्थानीयसँगै पश्चिमी वायुको प्रभावले आज देशका विभिन्न ठाउँमा मेघ गर्जन र चट्याङ्गसहित हल्कादेखि मध्यम वर्षाको सम्भावना रहेको मौसमविद् गंगा नगरकोटीले सीआइएनलाई जानकारी दिनुभयो । उहाँका अनुसार प्रदेश १, बागमती र गण्डकी प्रदेशका केही तथा मधेश प्रदेश लगायत अन्य प्रदेशका पहाडी भूभागका थोरै स्थानमा पानी पर्ने सम्भावना छ ।
यसकै प्रभावले प्रदेश १ र मधेस प्रदेशका एकदुई स्थानमा अहिले पनि पानी परिरहेको उहाँले जानकारी दिनुभयो । आज दिउँसो प्रदेश १ र बागमती प्रदेशका केही र अन्य प्रदेशका पहाडी भूभागका एकदुई स्थानहरुमा मेघ गर्जन, चट्याङ्ग र हावाहुरीसहित हल्कादेखि मध्यम वर्षाको सम्भावना रहेको मौसमविद् नगरकोटीले जानकारी दिनुभयो ।
यसैबीच केही दिनयता लगातार पानी परेको भएपनि मनसुन भने सुरू भइनसकेको मौसमविद्ले बताएका छन् । सीआइएनसँग कुरा गर्दै मौसमविद् नगरकोटीले केही दिनयता प्रिमनसुन अर्थात मनसुनअघिको अवस्था सक्रिय हुँदा देशका विभिन्न ठाउँमा मेघगर्जन, हावाहुरी र चट्याङसँगै पानी पर्ने क्रम बढेको जानकारी दिनुभयो ।
यसले गर्दा यो वर्ष नेपालमा मनसुन छिट्टै भित्रने सम्भावना देखिएको मौसमविद्ले बताएका छन् । तर मनसुन भित्रन अझै ६ दिन बाँकी रहेकाले अहिले नै भन्न सक्ने अवस्था भने नरहेको उहाँको भनाइ छ । सामान्यतया जुन १२ तारिखमा मनसुन नेपाल प्रवेश गर्ने भएपनि पछिल्लो केही वर्षयता ढिला प्रवेश गरेर ढिला नै बाहिरिने गरेको छ ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
