- शनिवार, कार्तिक २२ गते २०८३
TRENDING
काठमाण्डौ, २७ चैत । स्थानीय तहको निर्वाचन आउन अब ३३ दिन मात्रै बाँकी रहदा उम्मेद्वारी घोषणा गर्ने क्रम सुरू भएको छ । आगामी स्थानीय तहको निर्वाचनमा प्रमुख, उपप्रमुख तथा वडा अध्यक्ष र अन्य पदको लागि आकांक्षीहरूले उम्मेद्वारी घोषणा गर्ने क्रम सुरू भएको हो ।
दलहरूले औपचारिक रूपमा उम्मेद्वारको टुङ्गो लगाइनसकेको भएपनि आकांक्षीहरूले स्वतःस्फुर्त रूपमा उम्मेद्वारी घोषणा गर्ने तथा सरोकारवालाहरूसँग सुझाब माग्ने गरिरहेका छन् । सत्ता गठबन्धनमा चुनाबी तालमेल गर्ने भनिएपनि कुन पालिकामा कसरी तालमेल गर्ने र को उम्मेद्वार हुने भन्नेबारेमा भने अझै पनि टुङ्गो लागेको छैन ।
सकेसम्म स्थानीय तहबाटै उम्मेद्वार छनोटको काम सक्न गठबन्धनभित्रका दलहरूले सुझाब दिएका छन् । तर कुन मापदण्डका आधारमा उम्मेद्वार तोक्ने तथा कुन पालिका कसको भागमा पर्ने भन्ने टुङ्गो लागि नसकेकाले उम्मेद्वार छनोटको बिषय पेचिलो बनेको छ । सीआईएनसँग कुराकानी गर्दै काँग्रेस बरिष्ठ नेता रामचन्द्र पौडेलले सकेसम्म तल्लो तहमा नै उम्मेद्वारको सूची टुङ्ग्याउन भनेपनि चुनौतीपूर्ण भने देखिएको बताउनुभयो ।
यस्तै निर्वाचनमा कुनै पनि दलसँग तालमेल नगरि चुनाब लड्ने बताएको नेकपा एमालेले पनि उम्मेद्वार छनोट गरिसकेको छैन । निर्वाचन आयोगको कार्यतालिका अनुसार आगामी वैशाख ११ र १२ गते स्थानीय तह निर्वाचनको लागि उम्मेद्वार दर्ताको समय तोकेको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
