- शनिवार, कार्तिक २२ गते २०८३
TRENDING
आँबुखैरेनी, ९ मंसिर । तनहुँको आँबुखैरेनीमा निःशुल्क मोतियाविन्दुको अप्रेसन सहितको ३ दिने आँखा जाँच शिविर सम्पन्न भएको छ। मंसिर ६ गते देखि सुरु भएको शिविर आज सकिएको हो।
शिवरमा १ सय ८९ जनाको निःशुल्क मोतियाविन्दुको अपरेसन गरिएको आयोजक नेत्रज्योती संघका प्रतिनिधी प्रेम महर्जनले जानकारी दिए। उनका अनुसार शिविरमा ७ सय २० जनाको आँखा परीक्षण गरिएको थियो।
शिविरले आँखामा मोतियाविन्दु देखिएकाहरूको सोही ठाउँमा नै शल्यक्रिया गरिएको हुदा धेरै बिरामीहरु लाभान्वित भएको आँबुखैरेनी गाउँपालिकाका प्रमुख प्रशासकीय अधिकृत विष्णुप्रसाद पोख्रेलले बताउदै गाउँपालिकाले नीतिगत निर्णय गरेर आगामी दिनमा आँखा क्लिनिक र आँखा शिविर सञ्चालन गर्ने तयारी गरेको बताए । “गाउँघरमै आँखाको शल्यक्रिया गर्न पाउँदा स्थानीयवासीलाई पनि सहज भयो, नत्र चितवन, पोखरा, काठमाडाँै जानुपर्ने बाध्यता थियो”, उनले भने “गाउँपालिकाले पनि अब शल्यक्रिया सहितको शिविर सञ्चालन गर्ने तयारी गरेको छ ।”
भरतपुर आँखा अस्पतालका आँखा चिकित्सक डा. रन्जित कुमार शाहको नेतृत्वको १३ जनाको मेडिकल टिमले बिरामीहरुको आँखाको परीक्षण गरिएको थियो। डार्क फाउण्डेशन र पार्टनर फर इक्विटीको आर्थिक सहयोगमा संचालित शिविरको स्थानीय आयोजकमा नेपाल नेत्रहिन संघ, पुनःस्थापना कार्यक्रम गोरखा धादिङ र आँबुखैरेनी गाउँपालिका रहेको थियो।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
