- मंगलवार, कार्तिक १८ गते २०८३
TRENDING
गोरखा । अरिङ्गालको टोकाइबाट गम्भीर घाइते भएका मकवानपुरका एक पुरुषको उपचारका क्रममा मृत्यु भएको छ।
मकवानपुरको हेटौँडा उपमहानगरपालिका–१७ पुवाले घर भई हाल गोरखाको शहीद लखन गाउँपालिका–६ घैरुङमा सडक निर्माणसम्बन्धी काम गर्दै आएका ४८ वर्षीय कुमार प्रजाको मृत्यु भएको हो।
जिल्ला प्रहरी कार्यालय गोरखाका अनुसार गत असोज १५ गते राति करिब साढे १० बजे स्थानीय बासकोट जंगलमा अरिङ्गाल पोल्ने क्रममा उनलाई करिब २६–२७ वटा अरिङ्गालले टोकेको थियो। टोकाइबाट गम्भीर घाइते भएका प्रजालाई असोज १६ गते बिहान २ः४० बजे उपचारका लागि प्रदेश अस्पताल गोरखा लगिएको थियो।
गोरखा अस्पतालमा प्राथमिक उपचारपछि थप उपचारका लागि सोही दिन अपराह्न ५ बजे भरतपुर सरकारी अस्पताल, चितवन लगिएको थियो। उपचारकै क्रममा असोज १६ गते राति १०ः३८ बजे चिकित्सकले उनलाई मृत घोषणा गरेको जिल्ला प्रहरी कार्यालय गोरखाका डिएसपी राजकुमार श्रेष्ठले जानकारी दिनुभयो।
प्रहरीका अनुसार अरिङ्गालको टोकाइबाट गम्भीर अवस्था भएपछि उनलाई थप उपचारका लागि चितवन लगिएको थियो।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
