- बिहिवार, कार्तिक २७ गते २०८३
TRENDING
रौतहट । जिल्ला प्रशासन कार्यालय रौतहटको निर्णयअनुसार गौर नगरपालिका क्षेत्रभित्र अनिश्चितकालीन कर्फ्यू आदेश जारी गरिएको छ । कर्फ्यू आदेश लागू भएसँगै सर्वसाधारणको आवतजावत, भेला, सभा, जुलुस तथा प्रदर्शनमा पूर्ण रोक लगाइएको छ ।
प्रशासनले बढ्दो तनाव र सम्भावित सुरक्षा चुनौतीलाई मध्यनजर गर्दै अर्को आदेश नभएसम्मका लागि कर्फ्यू जारी गरिएको जनाएको छ । सुरक्षा निकायलाई उच्च सतर्कतामा राखिएको छ भने नगरका मुख्य स्थानहरूमा निगरानी कडा पारिएको बताइएको छ ।
यसैबीच, कर्फ्यूका कारण रौतहट जिल्ला अदालतले आज प्रदान गरिने सम्पूर्ण सेवा स्थगित गरेको छ । अदालत प्रशासन शाखाले सूचना जारी गर्दै आजका लागि तय गरिएका सुनुवाइ, सेवा प्रवाह तथा अन्य न्यायिक कार्यहरू स्थगित गरिएको जनाएको हो ।
अदालतका अनुसार कर्फ्यू अवधिभरको तारिख र म्याद नगुज्रिने व्यवस्था गरिएको छ, जसका कारण पक्षकारहरूलाई कानुनी हकमा कुनै नोक्सानी नपर्ने बताइएको छ ।
गौर क्षेत्रमा जारी कर्फ्यू कहिलेसम्म कायम रहने भन्नेबारे प्रशासनले थप निर्णय सार्वजनिक गर्ने जनाएको छ ।
नागरिकलाई कर्फ्यू आदेशको पूर्ण पालना गर्न प्रशासनले आग्रह गरेको छ ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
