- शनिवार, कार्तिक २९ गते २०८३
TRENDING
काठमाण्डौ – धादिङको कृष्णभीरबाट त्रिशूली नदीमा खसेको ग्यास बुलेटका चालक र सहचालको खोजीको लागि सशस्त्र प्रहरीको गोताखोर टोली परिचालन भएको छ ।
सशस्त्र प्रहरी बल नेपाल विपद् व्यवस्थापन तालिम शिक्षालय कुरिनटार र विपद् व्यवस्थापन बेस आदमघाटबाट सशस्त्र प्रहरी नायव उपरीक्षक अश्विनकुमार गुरुङ्गको कमाण्डमा गोताखोरसहित विपद् व्यवस्थापन तालिम प्राप्त सुरक्षा फौज परिचालन गरिएको प्रहरीले जनाएको छ ।
चितवनबाट काठमाण्डौका लागि छुटेको भारतीय नम्बर प्लेटको ग्यास बुलेट आज बिहान धादिङको बेनिघाट रोराङ गाउँपालिका–५ कृष्णभिरबाट त्रिशूली नदीमा खसेको हो । बुलेटमा रहेका चालक तथा सहचालकको अवस्था थाहा हुन सकेको छैन ।
बुलेट दुर्घटना स्थल वरपरका बासिन्दालाई आवश्यक सतर्कता अपनाउन प्रहरीले अनुरोध गरेको छ । ग्यास चुहावट भएको देखिएमा तुरुन्त प्रहरीको एक सय नम्बरमा जानकारी गराइदिन पनि अनुरोध गरिएको जिल्ला ट्राफिक प्रहरी कार्यालय गजुरीका प्रहरी निरीक्षक सुरज श्रेष्ठले जानकारी दिनुभयो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
