तनहुँ । व्यास नगरपालिका कार्यालयले एक सय आठ जना दीर्घ रोगका बिरामीलाई रु.पाँच हजारका दरले आर्थिक सहयोग प्रदान गरिएको छ ।

नगरपालिकाले दमौलीमा आयोजना गरेको आर्थिक बर्ष २०८१÷०८२ को प्रथम चौमासिक सार्वजनिक सुनुवाई कार्यक्रममा सो कुराको जानकारी गराइएको हो ।

क्यान्सर,मुटुरोगी,मृर्गौला फेल भएका,कलोजो टान्सप्लान्ट लगायतका समस्या भएका बिरामीलाई रु.१६ लाख १५ हजार बिरामीको खातामा जम्मा गरिएको प्रमुख प्रशासकीय अधिकृत काशीराम गैरेले जानकारी दिनुभयो ।

संघीय सरकारले सूचिकृत गरे अनुरुप औषधी खर्च बापत उक्त रकम प्रदान गरिएको हो,उहाँले भन्नुभयो “बिरामीका लागि बजेट पनि संघीय सरकारबाट नै बिनियोजन गरिएको हुन्छ ।” उहाँका अनुसार ज्येष्ठ नागरिक,सुत्केरी,विपन्न नागरिक,मानसिक रोगी गरी चौतिस जनालाई निःशुल्क एम्बुलेन्स सेवा उपलव्ध गराइएको छ । नगरपालिकाले उक्त प्रकृतिका व्यक्तिलाई अस्पतालबाट घरसम्म पु¥याउने गरी कार्यपालिका बैठकबाट निर्णय गरिएको छ ।

विपन्न नागरिक,क्यान्सर,मुटुरोगी,मृर्गौला फेल भएका ३२ जनालाई औषधी उपचारका लागि संम्बन्धित निकायमा सिफारिस गरिएको उहाँले बताउनुभयो । त्यसैगरी गर्भवति महिला पोषण सहयोग कार्यक्रम अन्र्तगत एक सय एघार जना महिलालाई रु.पाँच हजारका दरले रु.पाँच लाख ५५ हजार आर्थिक सहयोग गरिएको छ । चिसो मौसम सुरु भैसकेपनि डेंगु नियन्त्रणमा नआएकाले नगरपालिकाले “खोज र नष्ट गर” अभियानलाई निरन्तरता दिदै आइएको छ । विद्यालय तथा समुदायमा शिक्षा कार्यक्रम संचालन गर्दै आएकोमा यस कार्यलाई पुन ः निरन्तरता दिइएको नगरप्रमुख बैकुण्ठ न्यौपानेले बताउनुभयो ।