देवघाट, १८ असार । तनहुँको देवघाटमा अन्तर्राष्ट्रिय सहकारी दिवसको अवसरमा वृद्व–वृद्वाहरूलाई सम्मान एवं निशुल्क स्वास्थ्य परिक्षण गरिएको छ । देवघाट बचत तथा  ऋण सहकारी संस्था लि. को आयोजना गरिएको सो कार्यक्रम आज गाउँपालिकाको सिटि हल क्यूदीमा सम्पन्न भएको हो । सो  सम्मान तथा स्वास्थ्य परीक्षण कार्यक्रममा सहकारीले करिब ४० जना वृद्व–वृद्वाहरूलाई ५ सय रूपैयाँ नगद सहित सम्मान गरिएको थियो । 

कार्यक्रमका प्रमुख अतिथि देवघाट गाउँपालिकाका अध्यक्ष तिल बहादुर थापाले कार्यक्रममा बोल्दैँ यस कार्यक्रमले आफुलाई समेत थप हौसला र प्रेरणा मिलेको बताए। उनले समग्र देवघाट गाउँपालिकाको स्वास्थ्य सेवालाई सबैसँग  समन्वय गरि अगाडी बढ्ने बताए। साथै अध्यक्ष थापाले सहकारीको लागि आफुले गर्नुपर्ने सहयोग सदैव रहने बताउदै  सहकारीलाई अझ थप सफलताको शुभकामना समेत व्यक्त गरे।

कार्यक्रमका विशिष्ट अतिथि एवं देवघाट गाउँपालिकाका उपाध्यक्ष भुवन सिं गुरूङले सहकारी दिवसको दिन निकै राम्रो कार्यक्रम गरेर मनाइएको भन्दैँ यस्तो कार्यक्रम यहि ठाउँको स्थानीय सरकारले गर्नुपर्ने ठाउँमा देवघाट बचत तथा ऋण सहकारी गरेकोमा धन्यवाद प्रकट गरे । 

सोही कार्यक्रमका विशिष्ट अतिथि एवं देवघाट गाउँपालिका वडा नम्बर ५ का वडाअध्यक्ष पूर्ण बहादुर कुँवरले सहकारीले आयोजना गरिएको यस सम्मान र स्वास्थ्य परिक्षण कार्यक्रम निकै फलदायी राम्रो रहेको बताउदै वडाबाट स्वास्थ क्षेत्रको सेवाको निम्ति सधैं सहयोग रहने बताए।

त्यस्तै कार्यक्रमका विशिष्ट अतिथि एवं  देवघाट गाउँपालिका सहकारी शाखा प्रमुख कृष्णराज पन्तले देवघाटमा रहेको सहकारीहरू मध्ये देवघाट बचत तथा ऋण सहकारी एउटा राम्रो सहकारीको रूपमा अघि बढेको बताए। सहकारीले उदाहरणीय कार्यक्रमहरूको आयोजना गरेर सहकारीलाई अगाडि बढाएको पन्तले बताए। 

देवघाट गाउँपालिका वडा नम्बर ५ का वडा सदस्य यम बहादुर मगर, कार्यक्रममा महिला बालबालिका तथा जेष्ठ नागरिक शाखा प्रमुख सुभद्रा भट्टराई, देवघाट बचत तथा ऋण सहकारी संस्थाका उपाध्यक्ष तथा केमिकल तथा मेडिकल संघका केन्द्रीय सदस्य महेशराज भट्टराई, देवघाट सामुदायिक प्रहरी सेवा केन्द्रका अध्यक्ष होम बहादुर भारती लगाएत उपस्थित रहेको थियोे भने कार्यक्रममा कलेज अफ मेडिकल साईन्सेस लेक्चर निर्मला दाहाल भट्टराई र चिकित्सा सहायक पुरन न्यौपानेले वृद्व–वृद्वाहरूलाई स्वास्थ्य परीक्षण गरेको थियो ।

साथै कार्यक्रम देवघाट बचत तथा ऋण सहकारी संस्थाका अध्यक्ष अर्जुन अधिकारीको अध्यक्षतामा सम्पन्न भएको थियोे ।