- मंगलवार, भाद्र ९ गते २०८३
TRENDING
काठमाण्डौ, १ वैशाख । निर्वाचन आयोगले स्थानीय तहको निर्वाचन सर्ने अभिव्यक्ति नदिन आग्रह गरेको छ।आयोगले निर्धारित समयमै स्थानीय तहको निर्वाचन गर्न तयारीहरू तीव्रताका साथ अन्तिम चरणमा पुगेको हुँदा निर्वाचनको मिति सर्ने अभिव्यक्ति नदिन सरोकारवालाहरूलाई आग्रह गरेको हो ।
स्थानीय तहको निर्वाचनका सम्बन्धमा संशय व्यक्त गर्न अभिव्यक्तिहरू राजनीतिक दलका इमानदार नेता एवं कार्यकर्ताबाट आएकोप्रति आयोगको ध्यानाकर्षण भएको आयोगले जनाएको छ । आज आयोजित आयोगको नियमित पत्रकार सम्मलेनको क्रममा प्रवक्ता शालिग्राम शर्मा पौडेलले चुनावको मिति नजिकिइ सकेको अवस्थामा चुनावको मिति सर्न सक्ने अभिव्यक्ति दिएर मतदातामा भ्रम सिर्जन नगर्न आग्रह गर्नुभयो ।
यसैबीच, आयोगले निर्वाचनको लागि ३९ जिल्लाको मतपत्र छापिएको पनि जानकारी दिएको छ। आयोगका अनुसार ७० लाख ३३ हजार मतपत्र छापिइसकेको छ।आगामी स्थानीय तह निर्वाचनका लागि आवश्यक १ करोड ९४ लाख थान मतपत्रमध्ये आजसम्म ३९ जिल्लाको ७० लाख ३३ थान मतपत्र छपाइ सम्पन्न भएको प्रवक्ता पौडेलले बताउनुभयो । पौडेलले हाल दैनिक सरदर ८ लाख थान मतपत्र छपाइ भइरहेको पनि जानकारी दिनुभयो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
