- शुक्रवार, कार्तिक २८ गते २०८३
TRENDING
काठमाडौं। तमुस्यो ह्युल छोंज धी गुरुङ महिला राष्ट्रिय परिषद्को पाँचौँ राष्ट्रिय महाधिवेशन काठमाडौंमा सुरु भएको छ। गुरुङ महिला समुदायको हक, अधिकार, पहिचान तथा भाषा–संस्कृति संरक्षणका विषयलाई प्राथमिकतामा राख्दै महाधिवेशन आयोजना गरिएको हो।
तमु ह्युल छोंज धी गुरुङ राष्ट्रिय परिषद्का अध्यक्ष धनमान गुरुङको प्रमुख आतिथ्यमा महाधिवेशनको उद्घाटन गरिएको थियो। उद्घाटन समारोहमा गुरुङ समुदायभित्र विभिन्न संघसंस्था, व्यवसाय तथा सामाजिक क्षेत्रमा योगदान पुर्याउँदै आएका तमुस्योहरूलाई सम्मान गरिएको थियो।
महाधिवेशनमा गुरुङ महिलाको सामाजिक भूमिका, अधिकार, पहिचान, भाषा, संस्कार तथा संस्कृतिको संरक्षण र प्रवर्द्धनलगायत विषयमा छलफल हुने जनाइएको छ। उद्घाटन सत्र सकिएपछि महाधिवेशनको बन्द सत्र भोलि तमु ह्युल छोंज धीको केन्द्रीय कार्यालयमा सञ्चालन हुनेछ। बन्द सत्रबाट तमुस्यो ह्युल छोंज धीको नयाँ कार्यसमिति चयन गरिनेछ।
नयाँ नेतृत्व चयनसँगै गुरुङ महिला समुदायका सामाजिक तथा सांस्कृतिक मुद्दालाई संस्थागत रूपमा थप प्रभावकारी ढंगले अघि बढाउने अपेक्षा गरिएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
