नाडा अटो शोमा सुजुकीको विशेष अफर

इच्छाकामना न्युज

९, भाद्र २०८३

नेपालमा सुजुकी गाडीको आधिकारिक वितरक सीजी मोटोकर्पले चाडपर्वलाई लक्षित गर्दै ल्याएको ‘सुजुकी पर्वोत्सव’ योजना नाडा अटो शो २०२६ मा पनि विशेष रुपमा सञ्चालन गर्ने भएको छ । योजनाअन्तर्गत ग्राहकले २ लाखसम्मको पुरस्कार जित्न सक्ने ‘स्क्रयाच एन्ड विन’ अफरसमेत पाउनेछन् ।
सुजुकी पर्वोत्सवअन्तर्गत ग्राहकले १ लाखसम्म नगद छुट, १ लाखसम्म एक्सचेन्ज बोनस, निःशुल्क एक्सेसरिज, निःशुल्क आवधिक मर्मतसम्भार, पाट्र्स तथा एक वर्षको निःशुल्क अटो प्लस

बिमा प्राप्त गर्न सक्ने कम्पनीले जनाएको छ । यी सुविधा मोडेलअनुसार फरक हुनेछन् र देशभरका आधिकारिक सुजुकी शोरूममा उपलब्ध हुनेछन् । योजनामा अल्टो के–१०, वागनआर, सेलेरियो, इको कार्गो, इको भ्यान, ब्रेजा, जिम्नी, भिक्टोरिस, फ्रोन्क्स र ईभिटारालगायत सुजुकीका विभिन्न मोडेल समेटिएका छन् । योजना २०८३ साउन २७ देखि मंसिर १५ गतेसम्म लागू हुनेछ ।

भृकुटीमण्डपमा मंगलबारदेखि सुरू भएको नाडा अटो शो २०२६ मा सुजुकीले नयाँ ब्रेजाको पहिलो सार्वजनिक प्रदर्शन गर्दैछ । सुजुकी प्याभिलियनको स्टलमा नयाँ ब्रेजासहित कम्पनीको सम्पूर्ण लाइनअप अवलोकन गर्न सकिनेछ ।

अटो शोमा आगन्तुकले गाडीको नयाँ पावरट्रेन, सुविधा तथा सुरक्षा प्रणालीबारे कम्पनीका उत्पादन विशेषज्ञबाट प्रत्यक्ष जानकारी लिनुका साथै गाडीभित्र बसेर अनुभव गर्न र बुकिङ गर्न सक्नेछन् । नाडा अटो शो २०२६ भदौ ९ देखि १४ गतेसम्म सञ्चालन हुँदैछ । नाडा अटोमोबाइल्स एसोसिएसन अफ नेपालको ५०औँ वार्षिकोत्सवको अवसरमा यस वर्षको प्रदर्शनी ‘गोल्डेन जुबिली संस्करण’का रुपमा आयोजना गरिएको हो ।