- सोमवार, कार्तिक १० गते २०८३
TRENDING
काठमाण्डौ, २९ फागुन । नेपाल कम्युनिस्ट पार्टी माओवादी केन्द्रले मन्त्रीहरूलाई फिर्ता बोलाए पनि नेकपा एमाले अध्यक्ष केपी शर्मा ओली नेतृत्वको सरकारलाई दिएको समर्थन भने कायमै रहेको जनाएको छ । माओवादी केन्द्रको आज बसेको स्थायी कमिटी बैठकले पार्टीबाट मन्त्री भएकाहरूलाई फिर्ता बोलाउने निर्णय गरेको थियो ।
नेकपा एमालेको केपी ओली पक्षले हिजो विस्तार गरेको केन्द्रीय कमिटीमा रहेका माओवादी तर्फका नेताहरूलाई २४ घण्टाभित्र आफ्नो स्थिति स्पष्ट पार्न पत्र पठाउने निर्णय पनि गरेको थियो । ओली नेतृत्वको सरकारमा रहेका मन्त्री फिर्ता बोलाउने र एमाले केन्द्रीय कमिटीमा समाहित भएका नेताहरूलाई स्थिति स्पष्ट पार्न निर्देशन दिने निर्णय गरेपनि सरकारलाई दिएको समर्थन भने फिर्ता नलिएको नेताहरुले बताएका छन् ।
यसैबीच, नेपाल कम्युनिष्ट पार्टी माओवादी केन्द्रले जनता समाजवादी पार्टी जसपालाई आगामी चुनावसम्म कार्यगत एकता गर्न प्रस्ताव गरेको छ । माओवादी मुख्यालय पेरिसडाडामा आज दुई पार्टीका शीर्ष नेताहरूबीच भएको छलफलमा माओवादीले यस्तो प्रस्ताव गरेको हो । यद्यपि जसपा नेताहरूले यो विषयमा कुनै प्रतिबद्धता भने जनाएका छैनन् । छलफलमा माओवादी केन्द्रका अध्यक्ष पुष्पकमल दाहाल प्रचण्ड, उपाध्यक्ष नारायणकाजी श्रेष्ठ, देव गुरुङ, वर्षमान पुन, जनार्दन शर्मा, जसपा अध्यक्षत्रय महन्थ ठाकुर, उपेन्द्र यादव, डा. बाबुराम भट्टराई, वरिष्ठ नेताहरू अशोक राई तथा राजेन्द्र महतो लगायतका नेताहरू सहभागी थिए ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
