- सोमवार, कार्तिक १० गते २०८३
TRENDING
काठमाडौं । नेपाली सेनाले सैनिक पदका लागि ठूलो संख्यामा नयाँ भर्ना खुला गरेको छ। जंगी अड्डाले जारी गरेको विज्ञापनअनुसार विभिन्न पृतना, गण तथा बाहिनीहरूका लागि कूल ३ हजार ६ सय जनाको दरखास्त आह्वान गरिएको हो।
सेनाले उपत्यका पृतना नारायणहिटीका लागि ३५० जना, काभ्रे स्थित भकुण्डेबेसीको २६ नम्बर बाहिनी अड्डाका लागि ७५ जना, भक्तपुरको सूर्यविनायकस्थित रणशेर गणका लागि १०० जना, सुनसरीको इटहरीस्थित पूर्वी पृतना हेडक्वार्टरका लागि २०० जना दरखास्त माग गरेको छ। सबैभन्दा धेरै ४२५ जना माग सुर्खेतको निमारेस्थित श्री उत्तर पश्चिम पृतना हेडक्वार्टरका लागि गरिएको छ।
यसबाहेक विभिन्न गण तथा बाहिनीहरूमा आवश्यकता अनुसार ब.का.सि, सफाइकर्मी, लोहाकार, केशकर्तक, सूचिकार र चर्मकर्मी लगायत विभिन्न ट्रेडका फोलोअर्स पदमा पनि भर्ना खुलाइएको सेनाले जनाएको छ।
इच्छुक तथा योग्यता पुगेका नेपाली नागरिकले कात्तिक २८ देखि मंसिर २७ गतेसम्म दरखास्त दिन सक्नेछन्। दोब्बर दस्तुर तिरेर मंसिर २८ देखि पुस ५ गतेसम्म पनि दरखास्त दिन मिल्नेछ। खुलातर्फ दरखास्त दस्तुर १ सय ५० रुपैयाँ, समावेशीतर्फ त्यसमा २० प्रतिशत थप लाग्नेछ। ट्रेड फोलोअर्सका लागि १ सय रुपैयाँ दस्तुर तोकिएको छ।
सेनाले देशभर रहेका विभिन्न भर्ना छनौट कार्यालयहरूमा स्वयं उपस्थित भई दरखास्त दिनुपर्ने व्यवस्था मिलाएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
