- शनिवार, आश्विन ३ गते २०८३
TRENDING
नयाँ दिल्ली । भारतमा एक गिरोहले रेलवेमा जागिर लगाइदिन्छु भन्दै बेरोजगार युवासँग लाखौँ रुपैयाँ ठगी गरेको तथ्य प्रकाशमा आएको छ । मध्य प्रदेश राज्यको ग्वालियरमा यस्तो घटना भएको हो । ठगको गिरोहले ती युवासँग विभिन्न दस्ताबेज माग गरेको र जागिर लगाइदिए बापत भन्दै प्रतिव्यक्ति दुईदेखि पाँच लाख भारु लिएको तथ्य प्रकाशमा आएको छ ।
ग्वालियरस्थित डबरा थाना प्रहरीले यस्तो ठगीमा ठुलै गिरोह रहेको जनाएको छ । आफू ठगिएको थाहा पाएपछि दुई युवाले प्रहरीमा उजुरी दिएका छन् । ती युवाकै उजुरीका आधारमा प्रहरीले अनुसन्धान अघि बढाएको छ ।
डबरा थाना प्रमुख यशवंत गोयलका अनुसार उजुरी दर्ता गरेर अनुसन्धान अघि बढाउनका साथै ठगीमा संलग्नको खोजी भइरहेको छ ।
पीडित युवाले प्रहरीलाई दिएको जानकारी अनुसार उनीहरूलाई ठग गिरोहका सदस्यले रेलवेमा स्थायी जागिर लगाइदिने प्रलोभन दिएका थिए । त्यसबापत रकम लाग्ने भन्दै आफूहरूसँग पैसा असुलेको, झाँसीको वीरांगना रेलवे स्टेसनमा लगेर एक महिना तालिमसमेत दिइएको उनीहरूको जिकिर छ ।
‘रेल गनेर बस्नू र रजिस्टरमा चढाउनू’ भन्दै एक महिनाको तलबसमेत दिइएको तर ‘जागिर लगाइदिने’ भनिएका गिरोहका सदस्य नियुक्ति नदिईकन अर्को महिना फरार भएको पीडित युवाले प्रहरीसमक्ष जनाएका छन् । नियुक्ति पत्र नपाएको र जागिर लगाइदिन्छु भन्नेहरू सम्पर्कविहीन भएपछि आफू ठगिएको थाहा पाएको पीडितले जनाएका छन् ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
