- मंगलवार, भाद्र ९ गते २०८३
TRENDING
काठमाडौ । प्रधानमन्त्री एवं नेकपा (एमाले) का अध्यक्ष केपी शर्मा ओली र नेकपा एसका सम्मानित नेता झलनाथ खनालबीच भेट भएको छ । नेपाल र चीनबीच कुटनीतिक सम्बन्ध स्थापना भएको ७० वर्ष पुगेको अवसरमा होटल याक एण्ड यतीमा भेटका क्रममा कम्युनिस्ट आन्दोलनका दुई सहयात्रीहरूले हात मिलाएको तस्वीर प्रधानमन्त्री सचिवालयले सार्वजनिक गरेको छ ।
उक्त समारोमा पूर्वप्रधानमन्त्रीहरू शेरबहादुर देउवा, पुष्पकमल दाहाल प्रचण्ड, बाबुराम भट्टराईलगायतका विभिन्न दलका शीर्ष नेताहरूको उपस्थिति थियो । प्रधानमन्त्रीले अघिल्लो लहरमा रहेका सबै नेताहरूसँग हात मिलाउँदै जाँदा झलनाथ खनालसँग पनि हात मिलाएका हुन् ।
शुक्रबार मात्रै खनालले दिएको एउटा टेलिभिजन अन्तर्वार्ता अहिले चर्चित छ । इमेज च्यानलका लागि दिएको अन्तर्वार्तामा खनालले एमालेबाट विद्रोह गरेर नेकपा एस बनाउनु गल्ती भएको बताएका थिए । उनले एमालेबाट अलग्गिएर अर्को दल बनाएको कुराको पुष्टि गर्न नसकिएको बताएका थिए । यो भनाइसँगै अध्यक्ष माधवकुमार नेपालसँग उनको दूरी झनै बढेको छ ।
नेपालले एकलौटी ढंगले पार्टी चलाएको आरोप खनालले लगाएका छन् । उनै नेपालले शनिबार विराटनगर पुगेर खनाललाई जवाफ दिँदै भनेका थिए, ‘पार्टीबाट खुरुक्क राजीनामा दिएर गए हुन्छ ।’ दिउँसै खनालले नेपालको जवाफ दिइसकेका छन् । याक एण्ड यतीको कार्यक्रममा अन्य पूर्वप्रधानमन्त्रीहर देखिए पनि माधव नेपाल भने देखा परेनन् ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
