इच्छाकामना । इच्छाकामना गाउँपालिकाले आर्थिक वर्ष २०८१/०८२ मा ४२९ वटा गाईभैँसीमा कृत्रिम गर्भाधान सेवा प्रदान गरेको छ। गाउँपालिकाको पशुपक्षी शाखाका अनुसार १६८ वटा गाई र २६१ वटा भैँसीमा सेवा दिइएको हो।

गाउँपालिकाका प्रमुख प्रशासकीय अधिकृत चन्द्रकान्त बस्नेतका अनुसार वैशाख महिनामा सबैभन्दा धेरै सेवा प्रदान गरिएको थियो। वैशाखमा मात्रै २३ वटा गाई र २७ वटा भैँसीमा कृत्रिम गर्भाधान गरिएको थियो। यस्तै, असार महिनामा सबैभन्दा कम सेवा लिइएको थियो। सो महिनामा ७ वटा गाई र ९ वटा भैँसीमा मात्र सेवा गरिएको थियो।

महिनावार कृत्रिम गर्भाधानको विवरण यसप्रकार छ:

• साउन: १९ गाई, १२ भैँसी

• भदौ: ८ गाई, २३ भैँसी

• असोज: ८ गाई, २१ भैँसी

• कात्तिक: १३ गाई, २७ भैँसी

• मङ्सिर: ९ गाई, ३१ भैँसी

• पुस: १३ गाई, २२ भैँसी

• माघ: २३ गाई, १९ भैँसी

• फागुन: ११ गाई, ३६ भैँसी

• चैत: (उल्लेख छैन)

• वैशाख: २३ गाई, २७ भैँसी

• जेठ: २३ गाई, १७ भैँसी

• असार: ७ गाई, ९ भैँसी

गाउँपालिकाले वडा नं–४ लाई भैँसी पालन र वडा नं–५ लाई गाई पालनका लागि पकेट क्षेत्र बनाउने योजना अघि सारेको छ। कार्यवाहक अध्यक्ष माया सिलवालले हावापानी र भूगोलको आधारमा वडागत रूपमा कृषि क्षेत्रको वर्गीकरण गरी योजनाबद्ध रूपमा अघि बढ्ने जनाइन्।

उनका अनुसार अन्य वडामा पनि पकेट क्षेत्र विकासको कार्य अगाडि बढाइएको छ:

• वडा नं–१ र २: तरकारी उत्पादन

• वडा नं–३: सुन्तला

• वडा नं–६: बाख्रापालन

• वडा नं–७: बाख्रासँगै कफी खेती

यसैबीच, पशुपालनमा किसानको क्षमता अभिवृद्धिका लागि १५ जना अगुवा किसानलाई तालिम दिइएको छ। साथै, वडा नं–२ को ठाडोखोला, वल्र्याङ, काउले र मायाटार क्षेत्रमा बाख्रापालनसम्बन्धी तालिम १७७ जनालाई प्रदान गरिएको गाउँपालिकाले जनाएको छ।

स्थानीय सरकारले पशुपालन तथा कृषि क्षेत्रको विकासमार्फत दुग्धजन्य उत्पादन र मासुजन्य उत्पादनबाट किसानलाई आर्थिक रुपमा सबल बनाउने लक्ष्य लिएको छ।