आँबुखैरेनीमा उपभोक्ता हित संरक्षण समितिको पहिलो बैठक सम्पन्न

इच्छाकामना न्युज

१४, श्रावण २०८२

आँबुखैरेनीमा उपभोक्ता हित संरक्षण समितिको पहिलो बैठक सम्पन्न

आँबुखैरेनी (तनहुँ), साउन १४— आँबुखैरेनी गाउँपालिका उपभोक्ता हित संरक्षण समितिको पहिलो बैठक मंगलबार सम्पन्न भएको छ। गाउँपालिकाको सभाहलमा आयोजित बैठक समितिकी संयोजक दुर्गा अर्यालको अध्यक्षतामा बसेको हो।

बैठकमा गाउँपालिका भित्र अत्यावश्यक वस्तुहरूको माग तथा आपूर्तिको अवस्थाको अध्ययन, उपभोक्ता शिक्षासम्बन्धी सचेतना कार्यक्रम सञ्चालन, र मासिक बजार अनुगमन कार्ययोजना निर्माण गर्ने विषयमा विस्तृत छलफल गरिएको थियो।

बैठकमा गाउँपालिका अध्यक्ष शुक्र चुमान, प्रमुख प्रशासकीय अधिकृत बुद्धिराम बस्नेत, खाद्य प्रविधि तथा गुण नियन्त्रण डिभिजन कार्यालय दमौलीकी प्रतिनिधि अनुषा खरेल, प्रशासकीय अधिकृत शर्मिला अधिकारी, आर्थिक समितिकी संयोजक गंगा बि.क., उपभोक्ता हित संरक्षण समितिका सदस्य सचिव सन्तोष के.सी., सदस्य कृष्णमान तामाङ, तनहुँ उद्योग वाणिज्य संघ आँबुखैरेनी बजार इकाइ समितिका अध्यक्ष भगवान श्रेष्ठ, सत्रसय बजार इकाइ समितिका अध्यक्ष खगराज गौंली, पशु चिकित्सक सन्तोष देवकोटा, ईलाका प्रहरी कार्यालयका असई चेतनाथ अधिकारी, शिक्षा अधिकृत निर्मला कुँवर, र स्वास्थ्य शाखाका अहेब प्रमिता गुरुङलगायतको उपस्थिति रहेको थियो।

बैठकमा सहभागीहरुले उपभोक्ताको हकहित संरक्षण, मूल्य अनुगमन तथा गुणस्तरीय वस्तु तथा सेवा सुनिश्चिततामा समितिले प्रमुख भूमिका खेल्नुपर्नेमा जोड दिएका थिए।