- सोमवार, कार्तिक १० गते २०८३
TRENDING
इच्छाकामना । चितवनको पहाडी क्षेत्र पर्ने इच्छाकामना गाउँपालिकाले वडा नं. ६ लाई बाख्रापालनको पकेट क्षेत्र बनाउने घोषणा गरेको छ। तुन्तेस र आधामारालाई विशेष क्षेत्रका रूपमा समेट्दै गाउँपालिकाले खोर निर्माण, उन्नत जातका बाख्रा वितरण र किसान प्रोत्साहनका कार्यक्रम अघि सारेको छ।
गाउँपालिकाकी कार्यवाहक अध्यक्ष माया सिलवालका अनुसार २०८१/८२ आर्थिक वर्षमा मात्रै १२५ वटा बाख्राको खोर निर्माणमा अनुदान प्रदान गरिएको छ। तीमध्ये तुन्तेस र आधामारामा बनेका ४४ वटा खोरमा गाउँपालिकाले ८० प्रतिशतसम्म अनुदान दिएको छ भने अन्य वडामा ५० प्रतिशत अनुदानमा खोर निर्माण भएको हो।
"हामीले वडा नं. ६ लाई बाख्राको पकेट क्षेत्र बनाउने प्रयास गरेका हौं," अध्यक्ष सिलवालले भनिन्, "गाउँमै सम्भावना खोज्नेहरूलाई प्रोत्साहन मिलोस् र आम्दानीको स्रोत बनोस् भन्ने हाम्रो उद्देश्य हो।"
गाउँपालिकाले जिल्ला पशु सेवा कार्यालयसँगको साझेदारीमा खोर निर्माण गरेपछि किसानलाई दुई/दुई वटा पाठी र एक/एक वटा ब्याड बोका पनि वितरण गरेको छ।
यसअघि २०८०/८१ मा पनि १०० वटा खोर निर्माणमा ५० प्रतिशत अनुदान दिइएको थियो। हालसम्म गाउँपालिकाभित्र करिब ५०० वटा खोर निर्माण भइसकेको गाउँपालिकाले जनाएको छ।
अध्यक्ष सिलवालका अनुसार नयाँ आर्थिक वर्षका लागि पनि कार्यक्रमलाई निरन्तरता दिइएको छ। बाख्रापालन किसानको सुरक्षालाई ध्यानमा राखी नीति निर्माण गरिएको हो।
गाउँपालिकाले सातै वडालाई फरक–फरक कृषि पकेट क्षेत्रको रूपमा विकास गर्दै आएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
