- मंगलवार, भाद्र ९ गते २०८३
TRENDING
भारतमा आजदेखि कोरोना विरुद्ध दोस्रो चरणको खोप अभियान सुरु भएको छ । भारत सरकारले आजदेखि ४५ वर्षभन्दा माथिका स्वस्थ मानिसहरुलाई खोप लगाउँदै छ । दोस्रो चरणको खोप अभियानसँगै भारतीय प्रधानमन्त्री नरेन्द्र मोदीले कोरोना विरुद्धको खोप लगाउनुभएको छ । आज बिहान दिल्लीको एम्स अस्पतालमा उहाँले खोपको पहिलो डोज लगाउनुभएको छ ।
भारत सरकारले आजदेखि सुरु गरेको खोप अभियान अन्तर्गत स्वास्थ्य समस्या भएका मानिसहरुलाई भने खोप नलगाउने बताएको छ । आजदेखि सुरु भएको दोस्रो चरणको खोप अभियानका लागि भारत सरकारले देशभर १० हजार खोप केन्द्र निर्धारण गरेको छ । जहाँ निःशुल्क खोप लगाइँदैछ ।
यस्तै भारत सरकारले सबै केन्द्र सरकारका मन्त्रीलाई शुल्क तिरेर कोरोना विरुद्धको खोप लगाउन निर्देशन दिएको छ । आजदेखि सुरु भएको दोस्रो चरणको खोप अभियान अन्तर्गत निजी अस्पतालमा खोप लगाउँदा २ सय ५० रुपैयाँ तिर्नुपर्नेछ । यसअघि पहिलो चरणको खोप अभियान अन्तर्गत सबै निजी अस्पतलामा पनि कोरोना विरुद्धको खोप निःशुल्क लगाइएको थियो । भारतमा १६ जनवरीबाट सुरु भएको कोरोना विरुद्धको खोप अभियान अन्तर्गत हालसम्म १ करोड ४२ लाखभन्दा बढीले खोप लाइसकेका छन् ।
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
