- सोमवार, कार्तिक १० गते २०८३
TRENDING
इच्छाकामना । बागमती प्रदेश सरकारको सहयोगमा इच्छाकामना गाउँपालिका वडा नं. ४ कुरिनटारमा बालबालिका र जेष्ठ नागरिकका लागि लक्षित गरी हरित पार्क निर्माण कार्य सम्पन्न गरिएको छ।
वन तथा वातावरण मन्त्री कृष्ण प्रसाद सिलवालको पहलमा आर्थिक वर्ष २०८१/०८२ का लागि विनियोजित बजेटबाट पार्क निर्माण सम्पन्न भएको हो।
पार्क निर्माणसँगै स्थानीयवासी, विशेष गरी बालबालिका र जेष्ठ नागरिकलाई आरामदायी र स्वच्छ वातावरणमा समय बिताउने स्थान प्राप्त भएको वडा कार्यालयले जनाएको छ। पार्कमा हरियाली, विश्राम स्थल, बालमैत्री संरचना, बेन्च, फूलबारी लगायत संरचनाहरू निर्माण गरिएको छ।
वडा अध्यक्ष रुद्र उप्रेतीका अनुसार यस्तो पूर्वाधारले समुदायमा सकारात्मक ऊर्जा र सामाजिक सम्बन्ध विकासमा टेवा पुर्याउने विश्वास लिइएको छ। “पार्कले जेष्ठ नागरिक र बालबालिकालाई लक्षित गरी सहज वातावरण उपलब्ध गराउनेछ। यसले समाजमा आपसी सहकार्य र वातावरण संरक्षणमा पनि योगदान पुर्याउनेछ,” अध्यक्ष उप्रेतीले भन्नुभयो।
स्थानीय तहमै यस्ता विकास निर्माण कार्य अघि बढ्नु सकारात्मक कदम भएको भन्दै वडा कार्यालयले आगामी दिनमा पनि जनमुखी योजना सञ्चालन गरिने जानकारी दिएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
