- सोमवार, कार्तिक १० गते २०८३
TRENDING
आँबुखैरेनी, २२ जेष्ठ । तनहुँको आँबुखैरेनी गाउँपालिका वडा नम्बर २ स्थित खानी खोलाका स्थानीय बासिन्दाले चिसोखोला सती ढुङ्गा शवदाह स्थलको पुनर्निर्माण कार्य आफ्नै पहलमा सुरु गरेका छन्।
विगतमा निर्मित शवदाह स्थल जिर्ण अवस्थामा पुगेपछि पटक–पटक वडा कार्यालय तथा गाउँपालिकामा निवेदन दिँदा पनि सुनुवाइ नभएपछि स्थानीयवासीहरू आक्रोशित हुँदै स्वयम् लगानीमा पुनर्निर्माण कार्य थालेका हुन्। स्थानीय रामबहादुर वलीका अनुसार, “धेरै पटक वडा र पालिकामा गएका थियौँ, तर वास्ता नै गरिएन।
अन्ततः हामी आफैँ जुटेर काम थाल्नुपर्यो।” यसअघि तत्कालीन वडाध्यक्ष कट्क बहादुर थापाले सो घाटको निर्माणका लागि ८ लाख रुपैयाँ बजेट विनियोजन गरेका थिए। तर समयमै मर्मत तथा सुधार नहुँदा घाट प्रयोगविहीनजस्तै बनेको थियो।
हाल स्थानीयवासीहरू मिलेर श्रमदान तथा आर्थिक योगदान मार्फत पुनर्निर्माण कार्यलाई तीव्रता दिएको वलीले जानकारी दिए। उक्त घाट क्षेत्र आसपासका बासिन्दाहरूको प्रमुख अन्त्येष्टि स्थल भएकोले यसको पुनर्निर्माणले समुदायलाई सहजता मिल्ने अपेक्षा गरिएको छ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
