- सोमवार, कार्तिक १० गते २०८३
TRENDING
इच्छाकामना, १९ जेठ । कर्तव्यनिष्ठ महीला समाज इच्छाकामनाको प्राविधिक सहयोग र इच्छाकामना गाउँपालिकाको आयोजनामा ५ दिने धुप बनाउने तालिमको समापन भएको छ।
कार्यक्रमको समापनमा प्रमुख अतिथीका रूपमा ईच्छाकामना गाउँपालिका उपाध्यक्ष माया सिलवाल, विशिष्ट अतिथीका रूपमा इच्छाकामना गाउँपालिका प्रमुख प्रशासकीय अधिकृत चन्द्राकान्त बस्नेत र संस्थाका संस्थापक अध्यक्ष श्रृजना बसौला देवकोटा लगायत अन्य अतिथिहरु उपस्थित थिए।
कार्यक्रमको सभाध्यक्ष संस्थाका अध्यक्ष जुनु राजभण्डारीको नेतृत्वमा सम्पन्न भएको थियो। कार्यक्रममा वडा कार्यालय ५ का सचिव शसी त्रिपाठी सिलवाल, विभिन्न टोलका प्रतिनिधिहरु र संस्थाका सबै पदाधिकारीहरू सहभागी थिए। स्थानीय महिलाहरूलाई साना व्यापारिक अवसरहरूको सिर्जना गर्न मद्दत गर्ने र वातावरणमैत्री धुप उत्पादन गराउने उदेश्यले तालिम संचालन गरिएको गाउँपालिकाले जनाएको छ ।
तालिममा सहभागी महिलाहरूले धुप बनाउनका लागि आवश्यक सामग्रीहरूको प्रयोग र प्रक्रिया बारे विस्तृत जानकारी प्राप्त गरे। समापन कार्यक्रममा, गाउँपालिका उपाध्यक्ष माया सिलवालले भनिन्, “यसरी तालिम आयोजना गरेर महिलाहरूलाई सशक्त बनाउनको लागि राम्रो कदम उठाइएको छ। यसले समग्र गाउँको आर्थिक र सामाजिक उन्नतिमा ठूलो योगदान पुर्याउने छ।”
संस्थाका अध्यक्ष जुनु राजभण्डारीले पनि धुप बनाउने कला र सीपहरूलाई व्यवसायिक रूपमा प्रयोग गर्नका लागि विभिन्न पहलहरू गर्ने योजना रहेको जानकारी दिए।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
