- आइतवार, कार्तिक ९ गते २०८३
TRENDING
गोरखा, जेठ ८ । गोरखा जिल्लाको सहिद लखन गाउँपालिका वडा नम्बर ४, तेर्सेका स्थानीय बासिन्दाहरू ‘एक घर, एक धारा’ अभियानलाई सफल बनाउन श्रमदानमा जुटेका छन्।
वडाध्यक्ष याम बहादुर थापाको अगुवाइमा स्थानीयले खानेपानी सुविधा पुर्याउनका लागि सामूहिक रुपमा श्रमदान गरेका हुन्। अभियानअन्तर्गत प्रत्येक घरमा खानेपानीको धारा पुर्याउने लक्ष्य लिइएको छ।
उक्त कार्यका लागि स्थानीयले पाइप विस्तार, धारा जडान तथा पानी ट्याङ्की निर्माणजस्ता कार्यमा स्वयंसेवक रूपमा सहभागिता जनाएका छन्।
वडाध्यक्ष थापाले विकास निर्माणका काममा समुदायको सक्रियता अत्यन्तै सराहनीय रहेको उल्लेख गर्दै आगामी दिनमा पनि यस्तै प्रकारका सामूहिक प्रयासले गाउँमा दिगो विकास सम्भव हुने बताए।
स्थानीय बासिन्दाहरूले खानेपानीको सुविधा नहुँदा दैनिक जीवनमा भोग्नुपरेको कठिनाइ अब अन्त्य हुने आशा व्यक्त गरेका छन्। अभियानले गाउँमा आत्मनिर्भरता, सहकार्य र एकताको भावना समेत बलियो बनाएको स्थानीयले बताएका छन्।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
