- सोमवार, कार्तिक १० गते २०८३
TRENDING
काठमाडौं ,११ फागुन । नेपाल कम्यूनिष्ट पार्टी (नेकपा) प्रचण्ड–नेपाल समूहका जिल्ला अध्यक्ष तथा सचिवको जिम्मेवारीमा असन्तुष्टि देखिएका छन् ।
काठमाडौंको जिल्ला समितिको सचिवको जिम्मेवारी तोकिएका हिमाल शर्माले फेसबुकमै असन्तुष्टि पोखेका छन् । उनले फेसबुकमा भनेका छन्, ‘मेरो लागि बधाई भन्ने कुरै के छ र रु केन्द्रको औपचारिक परिपत्रसम्म त धैर्य गरौ । एनीवे क। बसन्त मानन्धरप्रति मेरो सम्मान नै छ ।’
तत्कालीन माओवादी केन्द्रको काठमाडौं जिल्ला समिति अध्यक्ष रहेका शर्माले दुई पार्टी एकीकरण गर्ने सन्दर्भमा सचिवको जिम्मेवारी स्वीकार गरेका थिए । उनले पुनः त्यही जिम्मेवारीमा नरहने बताएका छन् ।
‘जिल्लाको सचिवमा म रहन्न’ उनले भनेका छन्, ‘पहिले दुइटा अध्यक्ष थियौं । त्यति बेला एउटा अध्यक्ष, एउटा सचिव बस्नुपर्ने बाध्यता थियो । त्यतिबेला म बस्नै पर्ने थियो । अहिले म बस्दिनँ अरू साथीहरूलाई जिम्मेवारी दिउँ भन्ने मेरो भनाइ हो ।’
अध्यक्षद्वय पुष्पकमल दाहाल ‘प्रचण्ड’ र माधवकुमार नेपालले फागुन ७ गते गरेको सर्कुलरमा बसन्त मानन्धरलाई अध्यक्षको जिम्मेवारी तोकेको छ । मानन्धर पूर्व एमाले समूहका हुन् ।
त्यसैगरी, भोजपुरका जिल्ला सचिव विमल खड्काले पनि अध्यक्ष नपाएपछि सचिव पद अस्वीकार गर्ने घोषणा गरेका छन् । उनले फेसबुकमार्फत आफू सचिवमा नरहने भन्दै अर्को व्यक्ति सचिव बन्ने बताएका छन् ।
प्रचण्ड–नेपाल समूहले सोमबार सर्कुलर जारी गर्दै ६८ जिल्लाको जिम्मेवारी तोकेको थियो । जसमा पूर्वमाओवादीलाई ३५ र पूर्वएमालेलाई ३३ जिल्लाको नेतृत्व तोकेको थियो ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
