- शुक्रवार, कार्तिक २८ गते २०८३
TRENDING
तनहुँ, कार्तिक १४ — नयाँ सहर आयोजना डुम्रे भन्सारले काम गर्न थालेको करिव १० वर्ष बितेको छ । २० वर्षभित्र एक लाख जनसंख्यालाई अत्यावश्यक सुविधासहित बस्न सक्ने गरी पूर्वाधार विकास गर्ने गरी अगाडि बढेको आयोजनाले हालसम्म एक प्रतिशत मात्रै आर्थिक प्रगति भएको देखाएको छ ।
आइडीपीमा समावेश भएको ४४ अर्व रकममध्ये हालसम्म १ अर्व २६ करोड ५४ लाख रुपैयाँ बजेट विनियोजन भएकोमा ९५ करोड ८७ लाख रुपैयाँ मात्र आयोजनाले खर्च गर्न सकेको छ । आयोजनाको भौतिक प्रगति १.५ प्रतिशत भएको छ ।
२०७० सालमा भानु नगरपालिका–१ मा नयाँ सहरी विकास आयोजनाको कार्यालय स्थापना गरिएको थियो । आयोजनाको १० वर्ष वितिसक्दा पनि आयोजनाले अपेक्षित प्रगति हासिल गर्न सकेको छैन ।
कार्यालयले आर्थिक वर्ष २०७२/७३ देखि गत आर्थिक वर्षसम्म विभिन्न योजनामा ९५ करोड ८७ लाख रुपैयाँ खर्च गरेको निमित्त आयोजना प्रमुख अभिषेक अधिकारीले बताए । उनले भने, ‘आइडीपीमा समावेश भएको ४४ अर्व रुपैयाँ रकममध्ये एक प्रतिशत मात्र रकम खर्च भएको छ । भौतिक पुर्वाधारहरु क्रमिक रुपमा बन्ने अवस्था रहेकाले हालसम्मको भौतिक प्रगति न्युन नै छ ।’
कार्यालयले भौतिक पूर्वाधार, सामाजिक पूर्वाधार, सांस्कृतिक तथा पर्यटन, आर्थिक पूर्वधारलगायत क्षेत्रमा बजेट लगानी गर्दै आएको छ । आर्थिक वर्ष २०७२/७३ मा ३ करोड ७४ लाख विनियोजन भएकामा २ करोड ३६ लाख, आर्थिक वर्ष २०७३/७४ मा १३ करोड २६ लाख विनियोजन भएकामा ८ करोड ८० लाख, आर्थिक वर्ष २०७४/७५ मा २० करोड ६१ लाख विनियोजन भएकोमा १९ करोड २४ लाख रुपैयाँ खर्च भएको अधिकारीले बताए ।
गत आर्थिक वर्षसम्म एक अर्व २६ करोड ५४ लाख रुपैयाँ बजेट विनियोजन भएकोमा ९५ करोड ८७ लाख रुपैयाँ खर्च भएको आयोजनाले जनाएको छ । चालु आर्थिक वर्षमा पुँजीगततर्फ १२ करोड ७ लाख र चालुतर्फ एक करोड ५ लाख रुपैयाँ बजेट बिनियोजन भएको आयोजना प्रमुख अधिकारीले बताए । बिनियोजित बजेटबाट हालसम्म कुनैपनि रकम खर्च नभएको उनले बताए ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
