- सोमवार, कार्तिक १० गते २०८३
TRENDING
दमौली । प्रतिनिधिसभा तथा प्रदेशसभा सदस्य निर्वाचन–२०७९ अन्तर्गत तनहुँ–२ (१) मा नेकपा (एमाले) का श्यामराजा महत निर्वाचित भएका छन् ।
आज बिहान सार्वजनिक मतपरिणाम अनुसार प्रतिस्पर्धी भन्दा एक हजार सात सय ६६ बढी मत प्राप्त गरी महत प्रदेशसभा सदस्यमा निर्वाचित भएका हुन् ।
महतले १५ हजार छ सय ६५ मत प्राप्त गरेकाे तनहुँ क्षेत्र नम्बर २ का निर्वाचन अधिकृत गोविन्द उपाध्यायले जानकारी दिए। प्रतिस्पर्धी बाम लोकतान्त्रिक गठबन्धनबाट नेकपा (माओवादी) का राजेन्द्रकेशरी न्यौपानेले १३ हजार आठ सय ९९ प्राप्त गरे।
उक्त प्रदेशमा ३७ हजार आठ सय २९ मत खसेको थियो । यो प्रदेशमा व्यास नगरपालिका–५ र ६, म्याग्दे गाउँपालिका तथा शुक्लागण्डकी नगरपालिका पर्दछ ।
विसं २०३४ सालमा कम्युनिष्ट पार्टीको सदस्यता लिनुभएका महतले विसं २०४४ सालमा भएको उपनिर्वाचनमा नै राष्ट्रिय पञ्चायत सदस्यमा चुनावमा पराजय भाेगेका थिए ।
महत विसं २०५४ सालदेखि २०५९ सालसम्म नगर उन्मुख नमुना ढोरफिर्दी गाविसको अध्यक्ष बनेर काम गरेका थिए । नेकपा माले, मानन्धर समूह हँुदै चार पटक जिल्ला कमिटी सदस्य बनेका महत विसं २०४९ मा जिल्ला विकास समिति सदस्यमा निर्वाचित भएका थिए ।
महतले पर्यटकीय शहर पोखरासँग जोडिएको यस क्षेत्रलाई भौतिक पूर्वाधारसँगै सांस्कृतिक शहरको रुपमा विकास गर्ने प्रतिबद्धता व्यक्त गरे ।
.png)
काठमाण्डौ प्रतिनिधि
पविन ढकाल
स्तम्भकार/लेखक
युवराज लामा
बजार व्यवस्थापक
मनोज घिमिरे
कम्पनी दर्ता नं.: १७४५५४/०७४/०७५
सूचना विभाग दर्ता नं.: ५८१/०७४/०७५
प्रेस काउन्सिल सूची दर्ता नं.: ७६५/०७४/०७५
