तनहुँ । तात्कालिन स्थानीय तह निर्वाचनमा तनहुँको आँबुखैरेनी र देवघाट गाउँपालिकाको अध्यक्ष र उपाध्यक्षको उम्मेद्वार रहेका अधिकांशलाई निर्वाचन आयोगले जरिवाना तोकेको छ । उनीहरुलाई समयमा खर्च विवरण पेश नगरेकोले स्पष्टीकरण सोधिएको तर पेश गरिएको स्पष्टिकरणको व्यहोरा जित्त बुझ्दो नदेखिएको र कतिपयले अविधि भित्र स्पष्टीकरण पेश नगरेको, कतिपयले ढिलो गरी स्पष्टीकरण पेश गरेको आधारमा जरिवाना तोकिएको निर्वाचन आयोगले जानकारी दिएको छ।

आयोगले दिएको सूची अनुसार हरेक उम्मेद्वारलाई जनही ३ लाख ५० हजार रुपैयाँ जरिवाना तोकिएको छ । जरिवाना तोकिएका उम्मेद्वारहरुमा आँबुखैरेनी गाउँपालिकामा निर्वाचित बहालवाला अध्यक्ष शुक्र चुमान, नेपाली काँग्रेसका गिर बहादुर थापा, नेकपा एमालेका ऋषी के.सी. राप्रपाका रेजिना श्रेष्ठ र विवेकशील साझा पार्टीका उत्सव अधिकारी रहेका छन् भने निर्वाचित वहालवाला उपाध्यक्ष दुर्गा अर्याल, काँग्रेसका पवित्रा गौली, एमालेका मीना अधिकारी, राप्रपाका इम बहादुर केसी, नेकपा एसका श्रेष्ठ र स्वतन्त्रका चिजा श्रेष्ठ रहेका छन्।

यसैगरी निर्वाचन आयोगले जरिवाना तोकिएका उम्मेद्वारहरुमा देवघाट गाउँपालिकामा निर्वाचित बहालवाला अध्यक्ष तिल बहादुर थापा, एमालेका दुर्ग बहादुर थापा, राप्रपाका कृष्णप्रसाद आचार्य, नेकपा एसका संजय पौडेल, स्वतन्त्रका छविजंग वंशी ठकुरी र भिम बहादुर राना रहेका छन् भने निर्वाचित बहालवाला उपाध्यक्ष भुवनसिंह गुरुङ, एमालेका सावित्री न्यौपाने नेपाली काँग्रेसका राधादेवी खनाल, राप्रपाका गंगामाया गुरुङ, नेकपा एसका चिजकुमारी परियार र स्वतन्त्रका किरण सुवेदी रहेका छन्।